A Festa da Chuvia nace no ano 2002 despois dunha liorta coa policía por facer música na rúa. Despois desa situación decídese crear un festival que defenda un espazo para a música e unha defensa para o músico.A Festa da Chuvia é un evento para todos os públicos que ven realizándose dende o ano 2002 ininterrumpidamente en diferentes formatos, apostando nos últimos anos por un formato itinerante no que a proposta de artes escénicas, musicais e gastronómicas circula por distintas localidades de Galicia. Tres premisas  caracterizan á Festa da Chuvia:1ª:  Amosar e promocionar a música galega ,2ª: Vincular o festival a unha estabilidade para os músicos, defendendo a postura dunha legalidade laboral e unha defensa dos seus dereitos de autor.3ª: Buscar a participación activa dos colectivos sociais locais para conseguir un beneficio maior para todos. Coa entrada poderás gozar dos directos d'A Companhia do Ruído / Orquesta Neverloura / Sapoconcho Sem Poncho / Residuos Atractivas e ademáis inclúe unha merenda popular de porco ao espeto!

---